ياكثرماتطري طواري على البال=
طواريٍ بالقلب قامت تحوفه=
قامت تسابق بين رجلي وخيال=
والقلب مماجاه كثرت صدوفه=
ياسعود ابا اوصيك ياطيب الفال=
اسمع كلام ابوك واحفظ حروفه=
ليانظرت بجدً في كل الاحوال=
دنياك هذي ما عليها حسوفه=
مره تزين لك بالاقفا والاقبال=
وتضحك لك الايام وهي معروفه=
وان كشرت يجيك بالقلب ولوال=
والظيم من سود الليالي تشوفه=
لاتامن الدنيا ولو المدى طال=
والوقت انا اوصيك حسب ضروفه=
اخذ الحذر يا سعود في كل الاحوال=
واصبر على الشدات لوهي كلوفه=
والدين خله عندك أغلا من المال=
أد الصلاه وصوم والبيت طوفه=
واحرص على اللي خوته تشرح البال=
الطيًب اللي يطرب النفس شوفه=
وابعد عن الخايب ولو قال ما قال=
ومجالس الرديان حذرا تحوفه =
وخلك حكيم وصير للحمل شيال=
ورفيقك المحتاج قدر ضروفه=
واصبر على العوجا ولو حملها مال=
وعلى المقفي لا تجيك الحسوفه=
وخلك على ربعك كما الغيث همال=
يضحك حجاجك والنشاما تشوفه=
واستقبل الطرقي بدله و فنجال=
ترا عريب الخال يكرم ضيوفه
هذه نصيحه لإبني سعود ونصيحه لابناءنا الشباب جميعا
التعديل الأخير تم بواسطة عبدالرحمن بن غلاب الميزاني ; 02 - 11 - 09 الساعة 03:22 PM
صح لسانك اخوي أبو عيسى وقصيدة جزلة ونصيحة مفيدة بارك الله لك في عيسى وسعود وأقر بهما عيناك وإن شاء الله الشبل من الأسد...
وبالنسبة لسؤال الأخ الرمح فالعوجاء هي العوجاء(الطريقة أو التصرف غير المعتدل) إلا أن عوجاء آل سعود لها قصة أتوقع الأخوان يعرفونها جميعاً
يقول الملك فهد رحمه الله:
حنا هل العوجا ولا به مراواه,,,شرب المصايب مثل شرب الفناجيل
صح لسانك اخوي أبو عيسى وقصيدة جزلة ونصيحة مفيدة بارك الله لك في عيسى وسعود وأقر بهما عيناك وإن شاء الله الشبل من الأسد...
وبالنسبة لسؤال الأخ الرمح فالعوجاء هي العوجاء(الطريقة أو التصرف غير المعتدل) إلا أن عوجاء آل سعود لها قصة أتوقع الأخوان يعرفونها جميعاً
يقول الملك فهد رحمه الله:
حنا هل العوجا ولا به مراواه,,,شرب المصايب مثل شرب الفناجيل
وأترك المجال للأخ أبوعيسى للجواب ..
أبن مصاول
الله يتقبل منك يابو ضيف الله
ولن ازيد على جوابك على سؤال الرمح فقد جاوبت بشكل صحيح